ရန်ကုန်၊ ဇွန် ၁၉
မြန်မာနိုင်ငံစာစစ်ဦးစီးဌာန(ရုံးချုပ်)၊ ရုံးအမှတ် (၅၂)၊ နေပြည်တော်နှင့် ရန်ကုန်(ရုံးခွဲ)၊ အမှတ်(၄/၅)၊ ပါရမီလမ်း၊ လှိုင်မြို့နယ်တို့တွင် ဇွန် ၁၇ ရက်မှစတင်ပြီး ၂၀၂၃ – ၂၀၂၄ ပညာသင်နှစ်အတွက် တက္ကသိုလ်ဝင်စာမေးပွဲ အမှတ်စာရင်းများကို ထုတ်ပေးနေကြောင်း မြန်မာနိုင်ငံစာစစ်ဦးစီးဌာနမှ သိရသည်။
၂၀၂၃ – ၂၀၂၄ ခုနှစ် ပညာသင်နှစ်အတွက် တက္ကသိုလ်ဝင်စာမေးပွဲ အမှတ်စာရင်းများကို စနေ၊ တနင်္ဂနွေနှင့် အစိုးရ ရုံးပိတ်ရက်များမှအပ တနင်္လာနေ့မှ သောက်ကြာနေ့ထိ နေ့စဥ် နံနက် ၁၀ နာရီမှ မွန်းလွဲ ၂ နာရီထိ ရုံးချိန်အတွင်း ထုတ်ပေးလျက်ရှိကြောင်း သိရသည်။
“ စနေနဲ့ တနင်္ဂနွေရုံးပိတ်ရက်တွေမှအပ တနင်္လာနေ့မှ သောကြာနေ့ထိ နေ့စဥ် နံနက် ၁၀ နာရီကနေ မွန်းလွဲ ၂ နာ ရီအထိ ထုတ်ပေးပါတယ်။ အမှတ်စာရင်းထုတ်ပေးနေတာပါ။ အောင်လက်မှတ်ထုတ်ပေးနေတာမဟုတ်သေးပါ ဘူး။ အချို့က ဝိဝါဒတွေကွဲလွဲပြီး အောင်လက်မှတ်လာထုတ်ကြပါတယ်။ အောင်လက်မှတ်ထုတ်ရက်ကို ပြန်ကြေညာပေးပါမယ်။” ဟု မြန်မာနိုင်ငံစာစစ်ဦးစီးဌာနမှ တာဝန်ရှိသူတစ်ဦးက ယနေ့ခေတ်သို့ ပြောသည်။
မြန်မာနိုင်ငံစာစစ်ဦးစီးဌာနသည် အမှတ်စာရင်းထုတ်ပေးမှုကို အခြားနယ်မြို့များ၊ အခြားနေရာများတွင် ထုတ်ပေးမည်မဟုတ်ကြောင်းနှင့် Online စနစ်ဖြင့်လည်း ဆောင်ရွက်နိုင်မည်မဟုတ်ကြောင်း ထုတ်ပြန်ချက်၌ ဖော်ပြထားသည်။
မြင့်မြတ်အောင်မြင်
ဓာတ်ပုံ – မြန်မာနိုင်ငံစာစစ်ဦးစီးဌာန
ယနေ့ခေတ်
၂၀၂၃ – ၂၀၂၄ ပညာသင်နှစ် တက္ကသိုလ်ဝင်စာမေးပွဲ အမှတ်စာရင်းထုတ်ပေး အတွက် မှတ်ချက်များ 0 ခုရှိပါတယ်