အောင်ပန်း၊ ဧပြီ ၁၃
ရှမ်းပြည်နယ်(တောင်ပိုင်း)၊ အောင်ပန်းမြို့နယ်၊ အောင်ပန်း-တောင်ကြီးသွားလမ်း သရက်ပုရွာ၊ ရေဖြူဘုန်းကြီးကျောင်းရှေ့အနီးတွင် ဧပြီ ၁၂ ရက်၊ ည ၇ နာရီက တောင်ကြီး-ရန်ကုန် သွား ရွှေရုပ်လေး(Express)ယာဉ်တစ်စီး တိမ်းမှောက်ခဲ့ပြီး ခရီးသည်ရှစ်ဦး ထိခိုက်ဒဏ်ရာ အပြင်းအထန်ရရှိခဲ့ကြောင်း နာရေးကူညီမှုအသင်း(အောင်ပန်း)က သိရသည်။
“ မိုးအရမ်းရာထားတော့ လမ်းကစလစ်ဖြစ်ပြီး ရွှေရုပ်လေး (Express) ယာဥ်လိုင်း အရှိန်မထိန်းနိုင်ဘဲ တိမ်းမှောက်သွားတာပါ။ ရန်ကုန်ပြန်မယ့်ခရီးသည်ရှစ်ဦး ထိခိုက်ဒဏ်ရာ ပြင်းထန်ရရှ်သွားပါတယ်။ အမျိုးသမီးနှစ်ဦးက အရိုးထိခိုက်မှု ပြင်းထန်ပါတယ်။” ဟု နာရေးကူညီမှုအသင်း(အောင်ပန်း)မှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ တောင်ကြီး-ရန်ကုန် ရွှေရုပ်လေး(Express) ယာဥ်လိုင်းတွင် လိုက်ပါစီးနင်းသူ ခရီးသည်များက ရန်ကုန်ပြန်မည့်သူများဖြစ်ပြီး အမျိုးသား လေးဦး၊ အမျိုးသမီးလေးဦးတို့ ထိခိုက်ဒဏ်ရာ ပြင်းထန်ရရှိပြီး အောင်ပန်းဆေးရုံကြီး အရေးပေါ်ဌာနသို့ နာရေးကူညီမှုအသင်း(အောင်ပန်း)က ကူညီပို့ဆောင်ပေးခဲ့ကြောင်း သိရသည်။
မြင့်မြတ်အောင်မြင်
ဓါတ်ပုံ – နာရေးကူညီမှုအသင်း(အောင်ပန်း)
အောင်ပန်းတွင် ခရီးသွားယာဥ်တိမ်းမှောက် ခရီးသည်ရှစ်ဦး ထိခိုက်ဒဏ်ရာရ အတွက် မှတ်ချက်များ 0 ခုရှိပါတယ်