ရန်ကုန်၊ ဇွန် ၁၀
အမေရိကန်အစိုးက မိမိနိုင်ငံသားများ မြန်မာနိုင်ငံသို့ခရီးသွားခွင့် တစ်နှစ်ထပ်မံတိုးမြင့်သည့် တားမြစ်ချက်ကို ဇွန် ၁၀ ရက်၊ နေ့စွဲဖြင့် အမေရိကန်အစိုးရက သတင်းထုတ်ပြန်လိုက်ကြောင်း သိရသည်။
“ ပြည်ပခရီးသွားခွင့် တားမြစ်ထားတဲ့နိုင်ငံထဲမှာ မြန်မာနိုင်ငံကို အဓိကခရီးသွားမလည်ပတ်ဖို့ တစ်နှစ်သက်တမ်းတိုးပြီး တားမြစ်လိုက်တာပါ။ အခုလောလောဆယ် မြန်မာပြည်ကလူတွေသွားရင်တော့ လက်ခံပေးပါတယ်။” ဟု အမေရိကန်သံရုံးမှ တာဝန်ရှိသူတစ်ဦးက ယနေ့ခေတ်သို့ ပြောသည်။
အမေရိကန်အစိုးရ၏ အဆိုပါထုတ်ပြန်ချက်တွင် မြန်မာပြည်တွင် ပြည်တွင်းမငြိမ်သက်မှုများ၊ စစ်ရေးပဋိပက္ခများနှင့် တရားဥပဒေစိုးမိုးမှု အစရှိသည့်အရေးကိစ္စများကြောင့် အမေရိကန်နိုင်ငံသားများအနေဖြင့် မြန်မာနိုင်ငံသို့ ခရီးမသွားကြရန် အမေရိကန်အစိုးရ၏ထုတ်ပြန်ချက်အရ သိရသည်။
မြန်မာနိုင်ငံတွင် ခရီးသွားနိုင်သည့်နေရာများသည် အကန့်အသတ်ရှိနေပြီး၊ အရေးပေါ်ကျန်းမာရေးစောင့်ရှောက်မှု အားနည်းခြင်း၊ မြေမြှုပ်မိုင်းနှင့် ပစ်ခတ်ပေါက်ကွဲမှုများ ရင်ဆိုင်ကြုံတွေ့နေရကြောင်း ယင်းထုတ်ပြန်ချက်တွင် ဖော်ပြထားသည်။
မြင့်မြတ်အောင်မြင်
ဓာတ်ပုံ – CJ
အမေရိကန်နိုင်ငံသားများ မြန်မာနိုင်ငံသို့ခရီးသွားခွင့် တစ်နှစ်တားမြစ်ကြောင်း အမေရိကန်အစိုးရ ထုတ်ပြန် အတွက် မှတ်ချက်များ 0 ခုရှိပါတယ်