ကိဗ်၊ မေ ၁၄
ယူကရိန်းနိုင်ငံသည် လာမည့်သီတင်းပတ်အတွင်း အမေရိကန်နိုင်ငံထုတ် F-16s တိုက်လေယာဉ်များကို ပထမဆုံးအကြိမ် လက်ခံရရှိဖွယ်ရှိနေကြောင်း သိရသည်။
အမေရိကန်ဦးဆောင်သော အနောက်အုပ်စုနိုင်ငံများသည် ယူကရိန်းကို F-16s တိုက်လေယာဉ်များ ကူညီပံ့ပိုးပေးမည်ဟု ကတိပြုထားသည့်အတိုင်း လာမည့်သီတင်းပတ်အတွင်း ပံ့ပိုးပေးဖွယ်ရှိနေကြောင်း သိရသည်။
ဗြိတိန်အခြေစိုက် Evening Standard သတင်းဌာနက ယူကရိန်းနိုင်ငံသည် လာမည့်သီတင်းပတ်များအတွင်း အနောက်အုပ်စုနိုင်ငံများမှ အကူအညီပေးမည့် တိုက်လေယာဉ်များကိုလက်ခံရရှိမည်ဟု ဖော်ပြထားသည်။
ရုရှားနှင့် စစ်ပွဲဖြစ်လာခဲ့ပြီးနောက်ပိုင်း ယူကရိန်းအစိုးရသည် အမေရိကန်နိုင်ငံနှင့် အနောက်အုပ်စုနိုင်ငံများအား F-16s တိုက်လေယာဉ်များ ကူညီပံ့ပိုးပေးရန် တောင်းဆိုခဲ့ကြောင်း သိရသည်။
သို့သော်လည်း ယူကရိန်းကို မည့်သည့်နိုင်ငံများမှ F-16s တိုက်လေယာဉ်များ ကူညီပံ့ပိုးပေးမည့်ဆိုသောအချက်ကို အဆိုပါဗြိတိန်သတင်းဌာနက ဖော်ပြခြင်းမျိုးမရှိခဲ့ပေ။
နယ်သာလန်အစိုးရက ၎င်းတို့သည် ယူကရိန်းကို F-16s တိုက်လေယာဉ်များ ကူညီပေးမည်ဟု ကတိပြုခဲ့ဖူးပြီး၊ ယခုနှစ် နှစ်လည်ပိုင်းတွင် F-16s တိုက်လေယာဉ်များ ကူညီပေးသွားမည်ဖြစ်ကြောင်း အစောပိုင်းကပြောဆိုခဲ့ဖူးသည်။
လက်ရှိအချိန်တွင် အမေရိကန်ဦးဆောင်သော အနောက်အုပ်စုနိုင်ငံများသည် ယူကရိန်းလေယာဉ်မှူးများအား F-16s တိုက်လေယာဉ်များ ကျွမ်းကျင်စွာမောင်းတတ်စေရန် ပြီးခဲ့သောနှစ်က သင်ကြားပေးခဲ့ကြောင်း သိရသည်။
အနောက်အုပ်စုနိုင်ငံများမှ ယူကရိန်းလေယာဉ်မှူးများအားလုံး F-16s တိုက်လေယာဉ်များ လေ့ကျင့်သင်ကြားပေးသောအစီအစဉ် အလုံးစုံပြီးဆုံးခါနီးနေချိန်တွင် F-16s တိုက်လေ ယာဉ်များကူညီပေးမည့်သတင်းများ ထပ်မံထွက်ပေါ်လာခဲ့ခြင်းဖြစ်သည်။
အနောက်အုပ်စုနိုင်ငံများက ယူကရိန်းကို F-16s တိုက်လေယာဉ်အစီးရေ ၄၀ ကူညီပေးမည်ဟု ကတိပြုထားကြောင်း သိရသည်။
ကောင်းထက်ငွေ
rt.com/news
အနောက်နိုင်ငံများမှကူညီမည့် F-16s တိုက်လေယာဉ်များ လာမည့်သီတင်းပတ်အတွင်း ယူကရိန်းနိုင်ငံသို့ ရောက်ရှိလာဖွယ်ရှိနေ အတွက် မှတ်ချက်များ 0 ခုရှိပါတယ်