ဟွာဟင်၊ ဧပြီ ၂၅
ထိုင်းနိုင်ငံ၊ ဟွာဟင်လေဆိပ်အနီးတွင် သောကြာနေ့နံနက်ပိုင်းက ရဲလေယာဉ်ငယ်တစ်စီးပျက်ကျခဲ့ရာ လေယာဉ်ပေါ်ပါ အရာရှိခြောက်ဦးစလုံး သေဆုံးခဲ့ကြောင်း သိရသည်။
အဆိုပါလေယာဉ်သည် Baby Grand Hua Hin ဟိုတယ်မှ ကမ်းလွန်ပင်လယ်ပြင် မီတာ ၁၀၀ ခန့်အကွာ ထိုင်းပင်လယ်ကွေ့တွင် ပျက်ကျခဲ့ကြောင်း 191 Emergency Center မှ သတင်းထုတ်ပြန်သည်။
ကမ်းခြေအပန်းဖြေစခန်းသည် ဟွာဟင်လေဆိပ်၏မြောက်ဘက် တစ်ကီလိုမီတာအကွာ၊ ပက်ချ်ဘူရီ၏ Cha-am ခရိုင်တွင်တည်ရှိပြီး Prachuap Khiri Khan ပြည်နယ်၊ ဟွာဟင်မြို့မှ ၈ ကီလိုမီတာအကွာတွင်တည်ရှိသည်။
DHC-6-400 Twin Otter လေယာဉ်ပေါ်တွင် လေယာဉ်မှူးသုံးဦး၊ စက်ပြင်နှစ်ဦးနှင့် လေယာဉ်အင်ဂျင်နီယာတစ်ဦးတို့ပါဝင်သည်။
အဆိုပါလေယာဉ်သည် ဟွာဟင်တွင် လေထီးလေ့ကျင့်ရေးပြုလုပ်ရန် စမ်းသပ်ပျံသန်းခဲ့ကြောင်း ထိုင်းတော်ဝင်ရဲတပ်ဖွဲ့ ပြောရေးဆိုခွင့်ရှိသူ Pol Lt Gen Archayon Kraithong က ပြောကြားသည်။
အခင်းဖြစ်ရာနေရာတွင် အရာရှိငါးဦးသေဆုံးခဲ့ပြီး လေယာဉ်မှူး Pol Col Prathan Khiewkham နှင့် Pol Lt Col Panthep Maneewachirangkul ၊ လေယာဉ်အင်ဂျင်နီယာ Pol Lt Thanawat Mekprasert နှင့် စက်ပြင် Pol L/Cpl Jeerawat Maksakha နှင့် Pol Sgt Maj Prawat Pholhongsa တို့နှင့်အတူ သေဆုံးသွားခဲ့သည်။
ဒဏ်ရာအပြင်းအထန်ရခဲ့သည့် လေယာဉ်မှူး Pol Capt Chaturong Wattanapaisarn ကို သောကြာနေ့ ညနေ ၄ နာရီခန့်တွင် ဟွာဟင်ဆေးရုံသို့ပို့ဆောင်ခဲ့ပြီး ဒဏ်ရာပြင်းထန်စွာရရှိခဲ့ကြောင်း သိရသည်။
ကနဦးစုံစမ်းစစ်ဆေးမှုတစ်ခုအရ လေယာဉ်သည် ပြေးလမ်းမှထွက်ခွာပြီးမကြာမီ တည်ငြိမ်မှုပျောက်ဆုံးသွားကြောင်း ပြသခဲ့သည်။
ကမ်းစပ်မှရိုက်ယူထားသည့် ဗီဒီယိုတွင် လေယာဉ်သည် ဒေါင်လိုက်ဆင်းလာပြီးနောက် လေယာဉ်မှူးများက ထိန်းချုပ်မှုကိုပြန်လည်ရရှိရန် ကြိုးပမ်းခဲ့သော်လည်း လေယာဉ်ကိုယ်ထည်သည် ထိခိုက်မှုတွင် နှစ်ပိုင်းကွဲသွားကာ ပင်လယ်ထဲသို့ ထိုးကျသွားခဲ့သည်။
လေယာဉ်ပျက်ကျရသည့်အကြောင်းရင်းကို စုံစမ်းစစ်ဆေးမှုများ လုပ်ဆောင်နေကြောင်း သိရသည်။
Ref: Bangkok Post
#ယနေ့ခေတ်
ဟွာဟင်အနီး ပင်လယ်ပြင်ထဲ လေယာဉ်ပျက်ကျ ခြောက်ဦးသေဆုံး အတွက် မှတ်ချက်များ 0 ခုရှိပါတယ်