ရန်ကုန်၊ ဧပြီ ၈
ရန်ကုန်တိုင်း၊ ကမာရွတ်မြို့နယ်၊ ပြည်လမ်းမ၊ လှည်းတန်းခုံးကျော်တံတားပေါ်တွင် ဧပြီ ၈ ရက်၊ ညနေ ၃ နာရီ ၄၅ မိနစ်ခန့်က Pick-up အမျိုးအစားယာဉ်နှင့် SUV အမျိုးအစားယာဉ်တို့ တိုက်မိမှုကြောင့် ယာဥ်မောင်းအမျိုးသားတစ်ဦး သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
“ လှည်းတန်းခုံးတံတားမှာ နေပူရှိန်က အလွန်ပြင်းထန်ပါတယ်။ အဲဒီလိုနေပူရှိန်ကြောင့် ကပ်တရာတွေအရည်ပျော် လမ်းချော်ပြီး ယာဥ်တိမ်းမှောက်မှုဖြစ်သွားတာပါ။ ယာဥ်မောင်းတစ်ဦးသေဆုံးတယ်။ လူလေးဦး ထိခိုက်ဒဏ်ရာပြင်းထန်ရတယ်။ ကနဦးအခြေအနေပါ။ ရန်ကုန်အရေးပေါ်ဆေးရုံကြီးကို ကူညီပို့ဆောင်ပေးထားပါတယ်။” ဟု မြန်မာနိုင်ငံမီးသတ် တပ်ဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ ဖြစ်စဉ်ကြောင့် ယာဥ်မောင်းအမျိုးသားတစ်ဦးသေဆုံးပြီး ထိခိုက်ဒဏ်ရာရရှိသူ ၄ ဦးကို ကယ်ဆယ်ရေးလုပ်ငန်းများဆောင်ရွက်ကာ ရန်ကုန်ဆေးရုံကြီး အရေးပေါ်ဌာနသို့ ဒေသခံ လူမှုကူညီရေးပရဟိတအဖွဲ့များက ကူညီပို့ဆောင်ပေးခဲ့ကြောင်း သိရသည်။
မြင့်မြတ်အောင်မြင် ဓါတ်ပုံ – မြန်မာနိုင်ငံမီးသတ်တပ်ဖွဲ့
လှည်းတန်းခုံးကျော်တံတားပေါ် ယာဉ်တိုက်မှု ယာဉ်မောင်းသေဆုံး လူလေးဦးဒဏ်ရာရ အတွက် မှတ်ချက်များ 0 ခုရှိပါတယ်