ရန်ကုန်၊ ဒီဇင်ဘာ ၂၇
ရှမ်းပြည်နယ်(မြောက်ပိုင်း)၊ လားရှိုးမြို့နယ်၊ မိုင်းကျက်လမ်း၊ လားရှိုး-မိုင်းကျက်သို့ ဖြတ်သန်းတည်ဆောက်ထားသည့် မိုင်းယော်(ဖွန်ချောင်း) သံတံတားသည် ဒီဇင်ဘာ ၂၆ ရက်၊ နံနက်အစောပိုင်းက ပြိုကျခဲ့ကြောင်း သိရသည်။
လားရှိုးမြို့နယ်မှ မိုင်းယော်ဘက်သို့ ဖြတ်သန်းသည့် ကုန်တင်ယာဥ်တစ်စီးသည် သံတံတားပေါ်က ဖြတ်သန်းနေချိန် တံတားကျိုးကျသွားခဲ့ကြောင်း သိရသည်။
“ ကုန်တင်ယာဥ်တစ်စီး ဖြတ်သန်းနေချိန်မှာ မိုင်းယော်(ဖွန်ချောင်)သံတံတား နှစ်ချို့ပြီး ခံနိုင်ဝန်နဲ့မမျှဘဲ ပြိုကျပျက်စီးသွားတာပါ။ ကုန်တင်ယာဥ်နဲ့ ယာဥ်မောင်းကို ကယ်ဆယ်ရေးအဖွဲ့က ကူညီကယ်ဆယ်ပေးခဲ့ပါတယ်။ သံတံတားပြန်လည်ပြင်ဆင်ရေးကို အမြန်ဆုံးဆောင်ရွက်ပါမယ်။ ဒီတံတားကို အထောက်အကူပြုပြီး ကုန်စည်သယ်ဆောင်တဲ့ အဓိကလမ်း ပိုင်းလိုဖြစ်နေတာပါ။” ဟု မိုင်းကျက်လမ်းတံတားပြုပြင်ရေးအဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
မိုင်းယော်(ဖွန်ချောင်) သံတံတားသည် ကွမ်းလုံ၊ ကာမိုင်း၊ မိုင်းတင်၊ ပန်ရှော်၊ မန်ပြိန်း၊ ပန်ခမ်း၊ မိုင်းယော်၊ မိုင်းကျက်နှင့် တာပုံရွာတို့ နေ့စဥ်ကုန်စည်သယ်ဆောင်ရေးအတွက် အရေးပါသည့်တံတားတစ်စင်းဖြစ်ကြောင်း သိရသည်။
အဆိုပါသံတံတားပြိုပျက်ကျမှုကြောင့် ယာဉ်ပေါ်ပါလာသူ ထိခိုက်မှုမရှိသော်လည်း ဖြတ်သန်းသွားလာမှုကို ယာယီရပ်ဆိုင်းထားကြောင်း သိရသည်။
#မြင့်မြတ်အောင်မြင်
ဓာတ်ပုံ – CJ
လားရှိုး-မိုင်းကျက် ဖြတ်သန်းတည်ဆောက်ထားသော မိုင်းယော်(ဖွန်ချောင်)သံတံတား ပြိုကျ အတွက် မှတ်ချက်များ 0 ခုရှိပါတယ်