ရန်ကုန်၊ မတ် ၂၃
ရန်ကုန်တိုင်းဒေသကြီး၊ ရွှေပြည်သာမြို့နယ်၊ လှော်ကားတာဆုံအနီးရှိ အမှတ် (၂၇) ရပ်ကွက်၊ စမ်းချောင်းကြီးကွက်သစ် လမ်းသွယ် ၂၊ နာရေးအိမ်တစ်အိမ်တွင် မတ် ၂၂ ရက်၊ ည ၁၂ နာရီက ဓားပြတိုက်မှုဖြစ်ပွားခဲ့ကြောင်း ရက်ကွက်နေပြည်သူတစ်ဦး၏ ပြောဆိုချက်အရ သိရသည်။
“ စမ်းချောင်းကြီးကွက်သစ် လမ်းသွယ် ၂ က နာရေးအိမ်တစ်အိမ်မှာ ဖဲဝိုင်းရှိတယ်။ ဓားပြတိုက်တဲ့လူတွေက အိမ်စီးကားနဲ့ဝင်လာတာ ခြောက်ယောက်လောက်ရှိမယ်။ ၂ လမ်းထိပ်မှာ ကင်းသမားတွေရှိတော့ ၁ လမ်းဘက်ကဝင်လာတယ်။ ငှက်ကြီးတောင်ဓားတွေကြီးပဲ ကိုင်လာကြတာတဲ့။ မျက်နှာတွေက အုပ်ထားကြတာရယ်။” ဟု ရပ်ကွက်နေပြည်သူတဦးက ပြောသည်။
အဆိုပါ ဓါးပြတိုက်ခံရသည့် နာရေးအိမ်တွင် ဖဲရိုက်နေသူများထံမှ ငွေကျပ် ၁၅ သိန်းကျော် လုယက်ခံရကြောင်း သိရသည်။
ရွှေပြည်သာမြို့နယ်တွင် ဖုန်းနှင့် ပိုက်ဆံအိတ်များ ခရီးသွားပြည်သူများထံမှ မကြာခဏလုယက်ခံနေရကြောင်း သိရသည်။
မြင့်မြတ်အောင်မြင် ဓါတ်ပုံ – Cj
ရွှေပြည်သာမြို့နယ်တွင် နာရေးအိမ်၌ ဓားပြတိုက်မှုဖြစ်ပွား အတွက် မှတ်ချက်များ 0 ခုရှိပါတယ်