ရန်ကုန်၊ နိုဝင်ဘာ ၁၈
ပုဇွန်တောင်မြို့နယ်၊ ရေကျော်ပွဲဈေးကို နိုဝင်ဘာ ၁၉ ရက်နေ့တွင် ပြန်လည်ကျင်းပသွားရန် ပြင်ဆင်နေကြောင်း ရပ်ကွက်တွင်းနေထိုင်သူများ၏ ပြောပြချက်အရ သိရသည်။
အဆိုပါပွဲဈေး ပြန်လည်ကျင်းပနိုင်ရန်အတွက် သက်ဆိုင်ရာရပ်ကွက်လူကြီးများက ဆွေးနွေးမှုများပြုလုပ်နေပြီး ပွဲဈေးတန်းအတွက် ဆိုင်ခန်းနေရာများကိုလည်း ကြိုတင်ငှားရမ်းမှုများရှိနေကြောင်း သိရသည်။
“ ၁၉ ရက်နေ့မှာ ပြန်လုပ်မယ်တဲ့။ အခုတော့ လမ်းမပေါ်မှာ ဆိုင်ခန်းတွေအတွက် ထုံးသုတ်ပြီး နေရာချထားပြီးပြီ။ ပုံမှန်ကတော့ သီတင်းကျွတ်မှာလုပ်နေတာပါ။ အခု ဒီနှစ်ကျမှ ကြားရက်ကြီးမှာထလုပ်တာ။” ဟု ဒေသခံတစ်ဦးက ဆိုသည်။
ရေကျော်ပွဲဈေးကို နှစ်စဉ်သီတင်းကျွတ်ကာလတွင် ကျင်းပလေ့ရှိပြီး လည်ပတ်သူများဖြင့် အလွန်စည်ကားသည့်ပွဲဈေးဖြစ်သည်။
ရေကျော်ပွဲဈေးကို ကိုဗစ်ကာလမတိုင်ခင် ၂၀၁၉ ခုနှစ်တွင် နောက်ဆုံးကျင်းပခဲ့ခြင်းဖြစ်ပြီး၊ လေးနှစ်အကြာတွင် ပြန်လည်ကျင်းပရန် စီစဉ်နေခြင်းဖြစ်ကြောင်းလည်း သိရသည်။
#စုစု
ဓာတ်ပုံ – Golden Myanmar Bedsheets
#ယနေ့ခေတ်
ရေကျော်ပွဲဈေး နိုဝင်ဘာ ၁၉ ရက်နေ့တွင် ပြန်လည်ကျင်းပမည် ဟုဆို အတွက် မှတ်ချက်များ 0 ခုရှိပါတယ်