ရန်ကုန်၊ ဇွန် ၁
ရန်ကုန်- မော်လမြိုင်သို့သွားသည့် ဘီးလင်းလမ်း၌ မိုးသည်းထန်စွာရွာသွန်းမှုကြောင့် ဇွန်လ ၁ ရက်အထိ ကုန်တင်ကားများအပါအဝင် ကားများရာနှင့်ချီပိတ်မိနေကြောင်း ဒေသခံများထံမှ သိရသည်။
“မစောတံတားနဲ့ ကျုံအိတ်တံတား မိုင်းခွဲဖျက်ဆီးခံရပြီးနောက် တံတားဘေးအနီးမှာ မြေဖို့ပြီးလမ်းအဖြစ် ယာဉ်တွေယာယီဖြတ်သန်းအသုံးပြုနေရတာ။ မိုးတွေသည်းထန်စွာရွာနေတာကြောင့် မော်တော်ယာဉ်တွေပိတ်နေတာ။ မနေ့ကတည်းက ကားတွေပိတ်နေတာ။ ရန်ကုန်ကနေ မော်လမြိုင်ဘက်သွားတဲ့ကားတွေ အဓိကပိတ်နေတာ။ ကုန်ကားတွေလည်း မ နည်းပိတ်နေတာ။” ဟု ဒေသခံတစ်ဦးက ပြောသည်။
ပိတ်မိနေသည့်ကားများကို ကျုံအိတ်တံတား၊ မစောတံတားနှင့် မော်လမြိုင်-ဘီးလင်းဂိတ်အဝင်လမ်းများမှ သုံးပိုင်းခွဲပြီး ဖြတ်သန်းခွင့်ပေးနေကြာင်း ဒေသခံလူမှုကူညီရေးအဖွဲ့မှတာဝန်ရှိသူတစ်ဦးက ပြောသည်။
“ အထိုက်လျောက်အဆင်ပြေဖို့ အဖွဲ့အစည်းတွေပေါင်းပြီး အပိုင်းလိုက်ခွဲလွှတ်ပေးနေတာ။ အသွားအပြန်ကားတွေကများတော့ ပိတ်နေသေးတာပေါ့။ မိုးဆက်မရွာရင်တော့ အဆင် ပြေသွားမှာပါ။” ဟု ၎င်းကဆက်ပြောသည်။
ပြီးခဲ့သည့် မေလ ၂၃ ရက်က ရန်ကုန်-မော်လမြိုင်ကားလမ်း တောင်ကလေးရွာအနီးရှိ မစောတံတားနှင့် မေလ ၁၁ ရက်က ဘီလင်းမြို့အဝင်ရှိ ကျုံအိတ်တံတားတို့ မိုင်းခွဲဖျက်ဆီးခံခဲ့ရပြီးနောက် မော်လမြိုင်-ဘီးလင်းကားလမ်းတွင် ယာဉ်ကြောပိတ်ဆို့မှုများ မကြာခဏဖြစ်ပွားနေကြောင်း၊ အခြေခံစားသောက်ကုန်ဈေးနှုန်းများလည်း မြင့်တက်လျက်ရှိကြောင်းဒသခံများထံမှ သိရသည်။
ခန့်ခန့်
Photo – CJ
ယနေ့ခေတ်
ရန်ကုန်-မော်လမြိုင်လမ်းတွင် ကားများရာချီပိတ်မိနေ အတွက် မှတ်ချက်များ 0 ခုရှိပါတယ်