ရန်ကုန်၊ မေ ၁၈
မြန်မာနိုင်ငံအလယ်ပိုင်း၊ အညာဒေသတွင် လာမည့်ရက်ပိုင်းအတွင်း မိုးရွာသွန်းမည်ဖြစ်ကြောင်း ပြည်တွင်းမိုးလေဝသနှင့် ဇလဗေဒ လေ့လာစောင့်ကြည့်သူတစ်ဦးက ပြောသည်။
“မြန်မာပြည်အလယ်ပိုင်း၊ အညာမြေဆီကို မိုးတွေရွာလာပါလိမ့်မယ်။ မေ ၂၂ ရက်နဲ့ ၂၅ ရက်နေ့အတွင်းမှာပါ။” ဟု ပြည်တွင်းမိုးလေဝသနှင့် ဇလဗေဒ လေ့လာစောင့်ကြည့်သူတစ်ဦးက ယနေ့ခေတ်သို့ ပြောသည်။
အဆိုပါရက်ပိုင်းအတွင်း မိုးရွာသွန်းမည့်ဒေသများမှာ မကွေးတိုင်းဒေသကြီး၊ မန္တလေးတိုင်းဒေသကြီး၊ ရှမ်းပြည်နယ်တစ်ခုလုံးနှင့် စစ်ကိုင်းတိုင်းဒေသကြီး(အောက်ပိုင်း)၊ ချင်းပြည် နယ်တို့ဖြစ်ကြောင်း သိရသည်။
ထို့ပြင် နေ့အပူရှိန်လျော့ကျသွားဖြစ်ပြီး နှမ်း၊ မြေပဲ၊ ပဲစဥ်းငုံစိုက်ပျိုးရေး ရရှိလာစေတော့မည်ဖြစ်ကြောင်း မေ ၁၈ ရက်၊ နေ့စွဲဖြင့် ပြည်တွင်းမိုးလေဝသနှင့် ဇလဗေဒ လေ့လာစောင့်ကြည့်သူတစ်ဦးက ထုတ်ပြန်အသိပေးခဲ့ကြောင်း သိရသည်။
လာမည့်ရက်ပိုင်းအတွင်း မုတ္တမပင်လယ်ကွေ့ဒေသများ၊ တနင်္သာရီကမ်းရိုတန်းဒေသတို့တွင် မိုးများစွာရွာသွန်းနိုင်ကြောင်း အထက်ဖော်ပြပါ ထုတ်ပြန်ချက်အရ သိသည်။
အလားတူ မေ ၂၄ ရက်နှင့် မေ ၂၅ ရက်တို့တွင် ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရခိုင်ပြည်နယ်(တောင်ပိုင်း)၊ ပဲခူးတိုင်းအနောက်ပိုင်း(တောင်ပိုင်း) ဒေသတို့တွင် မိုးကြီးခြင်း၊ ရုတ်တရက်လေပြင်းတိုက်ခတ်ခြင်းများ ဖြစ်ပေါ်နိုင်ကြောင်း ပြည်တွင်းမိုးလေဝသနှင့် ဇလဗေဒ လေ့လာစောင့်ကြည့်သူတစ်ဦးက ပြောသည်။
မြင့်မြတ်အောင်မြင်
ဓာတ်ပုံ – ပြည်တွင်းမိုးလေဝသနှင့် ဇလဗေဒ လေ့လာစောင့်ကြည့်သူ
မြန်မာနိုင်ငံအလယ်ပိုင်းတွင် လာမည့်ရက်ပိုင်းအတွင်း မိုးရွာသွန်းမည် အတွက် မှတ်ချက်များ 0 ခုရှိပါတယ်