ရန်ကုန်၊ မေ ၂၉
မြန်မာနိုင်ငံတွင် အင်တာနက်လူမှုကွန်ရက်စာမျက်နှာထက်၌ ပြီးခဲ့သည့် ၂၀၂၃ ခုနှစ်၊ ဇူလိုင်လမှစတင်ပြီး တရုတ်နိုင်ငံသား အွန်လိုင်းမှလိမ်လည်သူ ပြစ်မှုကျူးလွန်သူ ၄၉,၀၀၀ ကျော်ကို တရုတ်နိုင်ငံသို့ လွှဲပြောင်းပေးအပ်ခဲ့ကြောင်း တရုတ်ပြည်သူ့လုံခြုံရေးဝန်ကြီးဌာန (MPS)က မေ ၂၇ ရက်နေ့စွဲဖြင့် သတင်းထုတ်ပြန်ချက်အရ သိရသည်။

“ အင်တာနက်လူမှုကွန်ရက်ကိုအသုံးချပြီး အွန်လိုင်းလိမ်လည်သူ တရုတ်နိုင်ငံသား ၄၉,၀၀၀ ကျော်ကို ဖမ်းဆီးရမိတယ်။ အဲဒီမှုခင်းနဲ့ဆက်စပ်ပြီးတော့ နာမည်ဆိုးနဲ့ ကျော်ကြားတဲ့ ဒုစရိုက်အဖွဲ့တွေကိုလည်း ဖြိုခွင်းနိုင်ခဲ့ပါတယ်။ အဓိကသံသယရှိသူ အမြောက်အမြားကို ဖမ်းဆီးနိုင်ခဲ့ပါတယ်။” ဟု တရုတ်သံရုံးတာဝန်ရှိသူတစ်ဦးက ယနေ့ခေတ်သို့ ပြောသည်။
မြန်မာနိုင်ငံတွင် ပြီးခဲ့သည့် ၂၀၂၃ ခုနှစ်၊ ဇန်နဝါရီလမှစတင်ပြီး ရှမ်းပြည်နယ်(မြောက်ပိုင်း)တွင် အွန်လိုင်းမှလိမ်လည်မှု အများအပြားဖမ်းဆီးခံရသူများအနက် တရုတ်နိုင်ငံသားများ အများဆုံးပါဝင်ခဲ့ပြီး တရားမဝင်နယ်စပ်ဖြတ်ကျော်ခြင်းနှင့် ဖမ်းဆီးထိန်းသိမ်းခံရခြင်းဖြစ်ကြောင်း သိရသည်။
မြင့်မြတ်အောင်မြင်
ဓာတ်ပုံ – တရုတ်သံရုံး
မြန်မာနိုင်ငံက အွန်လိုင်းတွင်လိမ်လည်သူ ၄၉,၀၀၀ ကို တရုတ်နိုင်ငံသို့ လွှဲပြောင်းပေးအပ် အတွက် မှတ်ချက်များ 0 ခုရှိပါတယ်