မြင်းခြံ၊ ဇွန် ၂၃
မန္တလေးတိုင်းဒေသကြီး၊ မြင်းခြံမြို့နယ်၊ အမှတ်(၁၈) ရပ်ကွက်၊ အပိုင်း ၆ တွင် ဇွန် ၂၃ ရက်၊ နံနက် ၄ နာရီခွဲက ကြက်သွန်ဂိုဒေါင်တစ်လုံး မီးလောင်မှုဖြစ်ပွားခဲ့ကြောင်း အဖြူရောင် လက်များအသင်းမှ သိရသည်။
“ ကြက်သွန်ဂိုဒေါင် မီးလောင်မှုဖြစ်စဥ်ကို အသေးစိတ်တော့မသိပါဘူး။ သက်ဆိုင်ရာက စုံစမ်းစစ်ဆေးလျက်ရှိ ပါတယ်။ မနက် ၅ နာရီ ၂ မိနစ်မှ မီးအပြီးသတ်ငြိမ်းသတ်နိုင်ခဲ့ပါတယ်” ဟု အဖြူရောင်လက်များအသင်းမှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ မီးလောင်မှုဖြစ်ပွားရာသို့ မြင်းခြံခရိုင်မီးသတ်စခန်းမှ မီးငြှိမ်းသတ်ယာဉ် သုံးစီး၊ မီးသတ်ရေသယ်ယာဉ် သုံးစီး၊ မြင်းခြံမြို့နယ်မီးသတ်စခန်းမှ မီးငြှိမ်းသတ်ယာဉ် သုံးစီး၊ မီးသတ်ရေသယ်ယာည် တစ်စီး၊ သန္ဓေမီးသတ် တပ်ဖွဲ့ဝင်များဖြင့် ထွက်ခွာငြိမ်းသတ်ပေးခဲ့ကြောင်း သိရသည်။
မီးလောင်ကျွမ်းမှုဖြစ်စဉ် အသေးစိတ်အကြောင်းအရာနှင့် ထိခိုက်ဆုံးရှုံးမှုအခြေအနေကို မီးသတ်တပ်ဖွဲ့က စုံစမ်းစစ်ဆေးလျက်ရှိပြီး မီးလောင်မှုကြောင့် ကျပ်သိန်း ၁၀၀ ခန့် ပျက်စီးဆုံးရှုံးမှုရှိခဲ့ကြောင်း သိရသည်။
မြင့်မြတ်အောင်မြင်
ဓာတ်ပုံ – အဖြူရောင်လက်များအသင်း
မြင်းခြံတွင် ကြက်သွန်ဂိုဒေါင် မီးလောင်ကျွမ်း အတွက် မှတ်ချက်များ 0 ခုရှိပါတယ်