ရန်ကုန်၊ ဇန်နဝါရီ ၂၂
မော်လမြိုင်တွင် ယာဥ်သုံးစီးဆင့်တိုက်မှုကြောင့် လူတစ်ဦးသေဆုံးပြီး၊ ၁၁ ဦးထိခိုက်ဒဏ်ရာရရှိခဲ့ကြောင်း မော်လမြိုင် Rescue အရေးပေါ် လူမှုကယ်ဆယ်ရေးအဖွဲ့မှ တာဝန်ရှိသူ တစ်ဦးက ယနေ့ခေတ်သို့ ပြောသည်။
မွန်ပြည်နယ်၊ မော်လမြိုင်နယ်၊ ကျိုက္ခမီလမ်းမကြီး၊ ဂွေးကုန်းရပ်၊ မစရ ၅ အနီးတွင် ဇန်နဝါရီ ၂၁ ရက်၊ ည ၉ နာရီက မော်လမြိုင်ဘက်မောင်းနှင်လာသော Probox ယာဉ်တစ်စီးသည် အလားတူမောင်းနှင်လာသော ဘုရားပွဲသွားမည့် သုံးဘီးဆိုင်ကယ်တစ်စီးနှင့် ဆိုင်ကယ်တစ်စီးတို့နှင့် ယာဥ်သုံးစီးဆင့်တိုက်မှုကြောင့် လူတစ်ဦးသေဆုံးပြီး၊ ၁၁ ဦး ထိခိုက်ဒဏ်ရာရရှိခဲ့ကြောင်း မော်လမြိုင် Rescue အရေးပေါ် လူမှုကယ်ဆယ်ရေးအဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
“ သုံးဘီးဆိုင်ကယ်၊ ကားနဲ့ ဆိုင်ကယ်တစ်စီးတို့ သုံးစီးဆင့်တိုက်မှုကြောင့် လူတစ်ဦးသေဆုံးပြီး၊ ၁၁ ဦးထိခိုက်ဒဏ်ရာရရှိခဲ့ပါတယ်။ ဒဏ်ရာရလူနာကို မော်လမြိုင် Rescue အရေး ပေါ်လူမှုကယ်ဆယ်ရေးအဖွဲ့က မော်လမြိုင်ဆေးရုံကြီးကို ပို့ဆောင်ပေးခဲ့တယ်။ ဆေးရုံကြီး OPD အရောက် အမျိုးသမီးတစ်ဦးသေဆုံးသွားပါတယ်။ ရွှေနတ်တောင် လူမူကယ်ဆယ် ရေးအဖွဲ့မှ ဆေးရုံကြီးရင်ခွဲရုံသို့ ပို့ဆောင်ပေးခဲ့တယ်။” ဟု မော်လမြိုင် Rescue အရေးပေါ် လူမှုကယ်ဆယ်ရေးအဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ ယာဉ်မတော်တဆမှုတွင် ကလးငယ်ခြောက်ဦးနှင့် လူကြီးခြောက်ဦး၊ စုစုပေါင်း ၁၂ ဦး ထိခိုက်ဒဏ်ရာများရရှိခဲ့ပြီး၊ ဒဏ်ရာရရှိသူများအား မော်လမြိုင် Rescue လူမူကယ် ဆယ်ရေးအဖွဲ့၊ ဘိုဘို၀င်းအရေးပေါ်ကယ်ဆယ်ရေးအဖွဲ့၊ ရွှေနတ်တောင် အရေးပေါ်လူမှုကယ်ဆယ်ရေးအဖွဲ့၊ မိုးစေတနာပရဟိအသင်း(မော်လမြိုင်)၊ မုဒုံလူငယ် ပရဟိတအဖွဲ့ တို့မှ ပြုစုကုသပေးပြီး လူနာတင်ယာဉ် ၅ စီးဖြင့် မော်လမြိုင်ဆေးရုံကြီးသို့ ပို့ဆောင်ပေးခဲ့သည်။ ဆေးရုံကြီး OPD အရောက်တွင် အမျိုးသမီးတစ်ဦးသေဆုံးသွားသဖြင့် ရွှေနတ်တောင် လူမူကယ်ဆယ်ရေးအဖွဲ့မှ ဆေးရုံကြီး ရင်ခွဲရုံသို့ ပို့ဆောင်ပေးခဲ့ကြောင်း သိရသည်။
မြင့်မြတ်အောင်မြင် ဓါတ်ပုံ – မော်လမြိုင် Rescue အရေးပေါ် လူမှုကယ်ဆယ်ရေး
မော်လမြိုင်မြို့တွင် ယာဥ်သုံးစီးဆင့်တိုက် လူတစ်ဦးသေဆုံး ၁၁ ဦးဒဏ်ရာရ အတွက် မှတ်ချက်များ 0 ခုရှိပါတယ်