မော်လမြိုင်၊ အောက်တိုဘာ ၃၀
မွန်ပြည်နယ်၊ မော်လမြိုင်မြို့ရှိ စျေးကြိုအဝိုင်းအား အောက်တိုဘာ ၂၉ ရက်၊ ည ၁၁ နာရီ ၄၅ မိနစ်က အိမ်စီး Honda Insight ကားတစ်စီး အရှိန်မထိန်းနိုင်ပဲ ဝင်တိုက်မိပြီး ယာဥ် မီးလောင်မှုဖြစ်ပွား၍ ယာဥ်မောင်းသေဆုံးသွားကြောင်း ဘိုဘိုဝင်း လူမှုကူညီရေးအသင်းမှ တာဝန်ရှိသူတစ်ဦးက ယနေ့ခေတ်သို့ ပြောသည်။
“ စျေးကြိုအဝိုင်းကို ဝင်တိုက်မိပြီး ကားမီးလောင်မှုဖြစ်ပွားခဲ့ပါတယ်။ ကားပေါ် မှာ ပြင်းထန်ထိခိုက်ဒဏ်ရာရနေတဲ့ ယာဥ်မောင်းကို တွေ့ရပါတယ်။ ယာဥ်မောင်းကို လိုအပ်တဲ့ မြေပြင်အရေးပေါ်ကုသတာတွေလုပ်ပေးပြီး မော်လမြိုင် ပြည်သူ့ဆေးရုံကြီးကို ပို့ပေးခဲ့ပါတယ်။ ဆေးရုံရောက်တော့ ဆုံးသွားပါတယ်။” ဟု ဘိုဘိုဝင်း လူမှုကူညီရေးအသင်းက တာဝန်ရှိသူတစ်ဦးက ယနေ့ခေတ်သို့ ပြောသည်။
မော်လမြိုင်မြို့ရှိ စျေးကြိုအဝိုင်းအား အရှိန်မထိန်းနိုင်ဘဲ ဝင်တိုက်မိခြင်းကြောင့် ပြင်းထန် ထိခိုက်ဒဏ်ရာရရှိခဲ့သည့် ယာဥ်မောင်းအား ဘိုဘိုဝင်း လူမှုကူညီရေးအသင်းက မော် လမြိုင်ပြည်သူ့ဆေးရုံကြီး OPD ပြင်ပဌာနသို့ ကူညီပို့ဆောင်ပေးခဲ့ပြီး ဆေးရုံအရောက်တွင် သေဆုံးသွားကြောင်း သိရသည်။
ထိခိုက်ဒဏ်ရာရရှိကာ သေဆုံးသွားသည့် ယာဥ်မောင်း၏ ရုပ်အလောင်းကို မော်လမြိုင်ဆေးရုံကြီး ရင်ခွဲရုံ၌ထားရှိပြီး သေဆုံးသူ၏မိသားစုဝင်များနှင့် ချိတ်ဆက်မှုရရှိခဲ့ကြောင်း ဘိုဘိုဝင်း လူမှုကူညီရေးအသင်းက တာဝန်ရှိသူတစ်ဦးက ယနေ့ခေတ်သို့ ပြောသည်။
မြင့်မြတ်အောင်မြင်
မော်လမြိုင်မြို့တွင် ဈေးကြိုအဝိုင်းအား အိမ်စီးကားတစ်စီး အရှိန်မထိန်းနိုင်ဘဲ ဝင်တိုက်မိကာ ယာဉ်မောင်းသေဆုံး အတွက် မှတ်ချက်များ 0 ခုရှိပါတယ်