မော်လမြိုင်၊ ဧပြီ ၁၄
မွန်ပြည်နယ်၊ မော်လမြိုင်မြို့၊ သံလွင်တံတား၊ ချောင်းဆုံ၊ ကညှော်ကျေးရွာဘက် သွားလမ်းပေါ်ရှိ လမ်းတားတုံးကိုဝင်တိုက်မိပြီး ဆိုင်ကယ်မောင်းနှင်းသူ အမျိုးသားတစ်ဦး ဧပြီ ၁၄ ရက်၊ နံနက် ၁၁ နာရီ ၄၅ မိနစ်က ဆေးရုံအရောက်၌ သေဆုံးသွားကြောင်း သိရသည်။
“ လမ်းတံတားကို ဆိုင်ကယ်နဲ့ဝင်တိုက်မိတာလို့ ပတ်ဝန်းကျင်က ပြောကြတယ်။ ဆိုင်ကယ်မောင်းသူက အရှိန်ပြင်းတယ်ထင်တယ်။ ဘိုဘိုဝင်း အရေးပေါ်လူမှုကယ်ဆယ်ရေးအဖွဲ့နဲ့ အေးမြကြည်လင် အရေးပေါ်ကယ်ဆယ်ရေးအဖွဲ့တို့က မော်လမြိုင်ဆေးရုံကြီးကို အချိန်မီပို့ဆောင်ပေမယ့် ဆေးရုံအရောက်မှာပဲ သေဆုံးသွားပါတယ်။” ဟု အေးမြကြည်လင်အရေးပေါ်ကယ်ဆယ်ရေးအဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ လမ်းတံတားတိုက်မှုကြောင့် ထိခိုက်ဒဏ်ရာရရှိခဲ့သူ အမျိုးသားကို ဘိုဘိုဝင်းအရေးပေါ်လူမှုကယ်ဆယ်ရေးအဖွဲ့နှင့် အေးမြကြည်လင်အရေးပေါ်ကယ်ဆယ်ရေးအဖွဲ့က မော်လမြိုင်ဆေးရုံကြီးသို့ပို့ဆောင်ကူညီပေးခဲ့သော်လည်း ဆေးရုံအရောက်တွင် ကွယ်လွန်သွားကြောင်း သိရသည်။
မြင့်မြတ်အောင်မြင် ဓာတ်ပုံ – ဘိုဘိုဝင်းလူမှုကူညီရေးအသင်း
မော်လမြိုင်တွင် ဆိုင်ကယ်ဖြင့် လမ်းတားတုံးကိုဝင်တိုက် အမျိုးသားတစ်ဦး သေဆုံး အတွက် မှတ်ချက်များ 0 ခုရှိပါတယ်