မန္တလေးမြို့တွင် အမျိုးသားတစ်ဦး ကားတိုက်ခံရပြီး သေဆုံး

ရန်ကုန်၊ ဇန်နဝါရီ ၂၂

မန္တလေးတိုင်း၊ အမရပူရမြို့နယ်တွင် အမျိုးသားတစ်ဦး ကားတိုက်ခံရပြီး နေရာတွင်သေဆုံးသွားခဲ့ကြောင်း သိရသည်။

ယနေ့ နံနက် ၁၁ နာရီခန့်က အမရပူရမြို့နယ်၊ ထုံးဘုံမြစ်ငယ်လမ်းတွင် အသက် ၆၀ ခန့်ရှိ အမျိုးသားတစ်ဦး ကားတိုက်ခံရပြီး နေရာတွင်သေဆုံးနေကာ၊ ယာဉ်‌မောင်းမှာ ထွက်ပြေး သွား‌ခဲ့ကြောင်း ဒေသခံလူမှုကယ်ဆယ်ရေးမှ အသင်းဝင်တစ်ဦး၏ ပြောကြားချက်အရ သိရသည်။

“ ကျွန်တော်တို့အထင်တော့ ညထဲကသေနေတာဖြစ်မယ်။ တစ်ကိုယ်လုံးလည်း အေးစက်နေတာ။ သူမှာရှိတဲ့ဒဏ်ရာတွေက ကားတိုက်ခံထားရတာလို့ ယာဉ်ထိန်းရဲက ယူဆတယ်။ ကားရဲ့ဘက်မှန်နဲ့ မှန်ကွဲစတွေကလည်း သေဆုံးသူအနားမှာတွေ့တယ်။ ကားကတော့ တိုက်ပြီးထွက်ပြေးသွားပုံပဲ။ သေဆုံးသူရဲ့ မိသားစုနဲ့တော့ အဆက်သွယ်မရသေးပါဘူး။” ဟု ဒေသခံလူကယ်ဆယ်ရေးအသင်းမှ အသင်းဝင်တစ်ဦးက ယနေ့ခေတ်သို့ ပြောသည်။

ဒဏ်များနှင့်သေဆုံးနေသည့် အမျိုးသား၏ရုပ်အလောင်းကို မန္တလေးဆေးရုံကြီး ရင်ခွဲရုံသို့ပို့ဆောင်ပေးခဲ့ကြောင်း သိရသည်။

ချစ်ချစ်ခိုင်

ဓာတ်ပုံ-မြရည်နန္ဒာလူမှုကယ်ဆယ်ရေးအသင်း

ယနေ့ခေတ်

မန္တလေးမြို့တွင် အမျိုးသားတစ်ဦး ကားတိုက်ခံရပြီး သေဆုံး အတွက် မှတ်ချက်များ 0 ခုရှိပါတယ်

    ပြန်စာထားခဲ့ပါ။

    သင့် email လိပ်စာကို ဖော်ပြမည် မဟုတ်ပါ။ လိုအပ်သော ကွက်လပ်များကို * ဖြင့်မှတ်သားထားသည်

    This site uses Akismet to reduce spam. Learn how your comment data is processed.