ရန်ကုန်၊ ဧပြီ ၈
မန္တလေးတိုင်းဒေသကြီး၊ မတ္တရာမြို့နယ်တွင် ဧပြီ ၇ ရက်၊ ည ၇ နာရီက လေပြင်းတိုက်ခိုက်မှုကြောင့် သစ်ပင်ပိကာ အဘွားအိုတစ်ဦးသေဆုံးပြီး လူနှစ်ဦး ထိခိုက်ဒဏ်ရာရရှိခဲ့ကြောင်း မေတ္တာလူမှုကယ်ဆယ်ရေးအဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
မတ္တရာမြို့နယ်၊ မင်းကန်ကျေးရွာအနောက်ဘက် ရွှေတချောင်းဘောင်တွင် လေပြင်းတိုက်ခိုက်မှုကြောင့် အရှည် ၄၀ ပေခန့်၊ လုံးပတ် ၁၀ ပေခန့်ရှိ လက်ပံပင်လဲပြိုကာ ၎င်းနေရာအနီး ကျူးကျော်တဲအိမ်သုံးအိမ် သစ်ပင်လဲပြိုပိမိခဲ့ကြောင်း သိရသည်။
လေပြင်းတိုပ်ခိုက်မှုဖြစ်စဉ်အတွင်း အသက် ၆၅ နှစ်ရွယ် အဖွားအိုတစ်ဦး ဦးခေါင်းထိခိုက်သေဆုံးခဲ့ပြီး၊ အမျိုးသားတစ်ဦးနှင့် အမျိုးသမီးတစ်ဦးတို့ ထိခိုက်ဒဏ်ရာရရှိခဲ့ကြောင်း သိရသည်။
နွမ်းပါးလူနာများဖြစ်ပြီး နေအိမ်ပြန်လည်တည်ဆောက်နိုင်ရေးအတွက်၊ ဆေးကုသရန်နှင့် နာရေးပြုလုပ်ရန်အတွက် မိတ်ဆွေများတက်နိုင်သည်ဘက်မှ ကူညီလှူဒါန်းပေးကြရန် လှိုင်းမေတ္တာ လူမှုကယ်ဆယ်ရေးအဖွဲ့က မေတ္တာရပ်ခံထားကြောင်း သိရသည်။
မြင့်မြတ်အောင်မြင်
ဓာတ်ပုံ- CJ
မတ္တရာမြို့နယ်တွင် လေပြင်းတိုက် သစ်ပင်ပိကာ အဘွားအိုတစ်ဦးသေဆုံးပြီး လူနှစ်ဦး ထိခိုက်ဒဏ်ရာရ အတွက် မှတ်ချက်များ 0 ခုရှိပါတယ်