ရန်ကုန်၊ ဇွန် ၃
မွန်ပြည်နယ်၊ ဘီးမြို့နယ်နှင့် သထုံမြို့ကြား ရန်ကုန်-မော်လမြိုင်အမြန်လမ်းရှိ မစောတံတားကို သံဘေလီတံတားအဖြစ် အစားထိုးခင်းကျင်းမှုပြီးစီး၍ ဇွန် ၂ ရက်၊ မွန်းလွဲ ၃ နာရီက စတင်ပြီး စမ်းသက်မောင်းနှင်ခွင့်ပြုလိုက်ကြောင်း သိရသည်။
“ မစောတံတားကို သံဘေလီတံတား ခင်းကျင်းပြီးစီးလို့ ဒီနေ့စတင် စမ်းသက်မောင်းနှင်ခွင့်ပြုပေးလိုက်ပါတယ်။ အဓိက ဒီတံတားကိုအားကိုးပြီး ကုန်စည်စီးဆင်းနေရတာပါ။” ဟု ဘီးလင်းလမ်းတံတားဆောက်လုပ်ရေးမှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ မစောတံတားကို သံဘေလီတံတား အစားထိုးပြင်ဆင်မှုပြီးပြီးချင်း ခရီးသည်ယာဥ်များနှင့် ကုန်တင်ယာဥ်များကို ဦးစားပေးဖြတ်သန်းခွင့်ပြုပေးခဲ့ကြောင်း သိရသည်။
မစောတံတား မိုင်းခွဲခံရပြီးနောက် ကားကြီးများဖြတ်သန်းသွားလာနိုင်ရန်အတွက် ယာယီမြေသားလမ်းလွှဲကို ဆောင်ရွက်ပေးခဲ့ကြောင်း သိရသည်။
မစောတံတား၏ မြေသားလမ်းလွှဲကမောင်းနိုင်ဖို့ တစ်ဖက်ကို နာရီဝက်စီ အလှည့်ကျလွှတ်ပေးခြင်းကို ဆောင်ရွက်ပေးခဲ့ကြောင်း သိရသည်။
မစောတံတားကို မေလ ၂၃ ရက်၊ နံနက် ၅ နာရီက မိုင်းခွဲခံရပြီး ပျက်စီးသွားခဲ့ကြောင်း သိရသည်။
အရှည်ပေ ၁၀၀ ကျော်နှင့် အကျယ် ၂၄ ပေရှိ မစောတံတားသည် အောက်ခြေပိုင်းမှ မိုင်းခွဲခံရခြင်းကြောင့် တံတားတစ်ခုလုံးနီးပါး ပြိုကျပျက်စီးခဲ့ပြီး လမ်းပန်းဆက်သွယ်ရေး ပြတ်တောက်သွားခဲ့ကြောင်း သိရသည်။
မြင့်မြတ်အောင်မြင် ဓာတ်ပုံ – ဘီးလင်းမြို့နယ် တံတားဆောက်လုပ်ရေး
မစောတံတားကို သံဘေလီတံတားအဖြစ် ခင်းကျင်းပြီးစီး၊ စမ်းသပ်မောင်းနှင်ခွင့်ပြု အတွက် မှတ်ချက်များ 0 ခုရှိပါတယ်