ရန်ကုန်၊ မတ် ၁၂
ရှမ်းပြည်နယ်၊ နမ့်ခမ်းခရိုင်၊ နမ့်ခမ်းမြို့နယ်၊ ဟန်ကြီးအုပ်စု၊ ဖာပြန့်ကျေးရွာတွင် မတ် ၁၁ ရက်၊ နံနက် ၉ နာရီက နေအိမ်တစ်လုံးအတွင်း ဖုန်းအားသွင်းရာမှ ပေါက်ကွဲမှုဖြစ်ပြီး နေအိမ်မီးလောင်ပြာကျမှုဖြစ်ပွားခဲ့ကြောင်း သိရသည်။
အိမ်ရှင်အမျိုးသားသည် နေအိမ်တွင်ဖုန်းအားသွင်းထားခဲ့ပြီး အလုပ်သွားနေချိန် ဖုန်းဓာတ်ခဲ အပူလွန်ကဲပြီး ပေါက်ကွဲမှုဖြစ်ပွားကာ နေအိမ်တစ်ခုလုံး မီးလောင်ပြာကျကာ ကျပ်သိန်း ၂၀၀ ခန့်ဆုံးရှုံးခဲ့ကြောင်း နမ့်ခမ်းခရိုင်မီးသတ်တပ်ဖွဲ့ထံမှ သိရသည်။
“ နေအိမ်တစ်လုံးလုံး မီးလောင်ပြာကျသွားတယ်။ လူထိခိုက်သေဆုံးမှုတော့ မရှိပါဘူး။ ပျက်စီးဆုံးရှုံးမှုများပါတယ်။ ဖုန်းအားသွင်းရာကနေ ဓာတ်ခဲက အပူလွန်ကဲပြီး ပေါက်ကွဲမှုဖြစ်တယ်။ အသံအတော်ကျယ်လောင်ပါတယ်။ နေအိမ်တစ်ခုလုံး ပြာကျသွားပါတယ်။” ဟု နမ့်ခမ်းခရိုင်မီးသတ်တပ်ဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ မီးလောင်မူကြောင့် နေအိမ်အတွင်းရှိ ငွေခါးကွင်း တစ်ကွင်း၊ ဆွဲကြိုး နှစ်ကုံး၊ ထင်းဖြတ်စက် နှစ်လုံးနှင့် ဆန်စပါးအပါအဝင် စုစုပေါင်းကျပ်သိန်းပေါင်း ၂၀၀ ကျော် မီးလောင်ဆုံးရှုံးသွားခဲ့ကြောင်း သိရသည်။
အလားတူ မန္တလေးလေယာဥ်ကွင်းဟောင်းအနီးရှိ ဆောက်လုပ်ရေးဝန်ထမ်းအိမ်ယာတွင် မတ် ၁၀ ရက်၊ ည ၇ နာရီ ၅၆ မိနစ်ကလည်း နေအိမ်အတွင်းဝါယာရှော့ဖြစ်ကာ နေအိမ်လိုင်းခန်းအားလုံးနီးပါး မီးလောင်ဆုံးရှုံးမှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
မြင့်မြတ်အောင်မြင်
ဓာတ်ပုံ – နမ့်ခမ်းခရိုင်မီးသတ်တပ်ဖွဲ့
ယနေ့ခေတ်
နမ့်ခမ်းတွင် ဖုန်းအားသွင်းရာမှ အပူရှိန်လွန်ကဲကာ ပေါက်ကွဲမှုဖြစ်ပြီး နေအိမ်မီးလောင် အတွက် မှတ်ချက်များ 0 ခုရှိပါတယ်