ရန်ကုန်၊ မေ ၁၈
ရန်ကုန်တိုင်း၊ ကမာရွတ်မြို့နယ်၊ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်နေထိုင်သော ခြံအမှတ် ၅၄ ၏ လေလံအမှုနှင့်ပတ်သက်ပြီး ရုံးချိန်းရက်ကို မေ ၂၃ ရက်သို့ ထပ်မံချိန်းဆိုလိုက်ကြောင်း ကမာရွတ်ခရိုင်တရားရုံးရှိ ရှေ့နေအသိုင်းအဝိုင်းထံမှ သိရသည်။
“ ကမာရွတ်ခရိုင်တရားရုံးမှာ ခြံအမှတ် ၅၄ ရဲ့ လေလံအမှုနဲ့ပတ်သက်ပြီးတော့ မေ ၁၅ ရက်က တရားနိုင်ဘက်က တင်ပြပြီးတဲ့အချိန်မှာ မေ ၂၃ ရက်နေ့ကို ထပ်မံချိန်းဆိုလိုက်ပါတယ်။” ဟု ကမာရွတ်ခရိုင်တရားရုံးရှိ ရှေ့နေတစ်ဦးက ယနေ့ခေတ်သို့ ပြောသည်။
တက္ကသိုလ်ရိပ်သာလမ်းရှိ ခြံအမှတ် ၅၄ ၏ လေလံအမှုနှင့်ပတ်သက်၍ တရားနိုင်ဘက်က တင်ပြချက်ပြီးနောက် ကမာရွတ်ခရိုင်တရားရုံးက ၂၃ ရက်သို့ ရုံးချိန်းရက်ထပ်မံချိန်းဆိုလိုက်ကြောင်း သိရသည်။
အဆိုပါ ခြံအမှတ် ၅၄ ၏ တရားနိုင် ဦးအောင်ဆန်းဦးက ၎င်း၏ရှေ့နေနှင့်အတူ လာရောက်ခဲ့ပြီး နှုတ်ဖြင့်တင်ပြလျှောက်ချက်ကြောင့် မေ ၂၃ ရက်တွင် စာရွက်စာတမ်းများနှင့်တကွ တင်ပြရန် ရုံးချိန်းရက်ထပ်မံချိန်းဆိုခဲ့ခြင်းဖြစ်ကြောင်း ရှေ့နေအသိုင်းအဝိုင်းက သိရသည်။
ပြီးခဲ့သည့် မတ်လ ၂၀ ရက်က အမေရိကန်ဒေါ်လာ သန်း ၁၅၀ နီးပါးဖြင့် ခြံအမှတ် ၅၄ ကို လေလံတင်ရောင်းချခဲ့ရာ ဝယ်ယူသူမရှိခဲ့ခြင်းကြောင့် လေလံပွဲမအောင်မြင်ခဲ့ကြောင်း သိ ရသည်။
မြင့်မြတ်အောင်မြင် ဓာတ်ပုံ – CJ
ဒေါ်အောင်ဆန်းစုကြည်နေထိုင်သော ခြံအမှတ် ၅၄ လေလံအမှု ရုံးချိန်းထပ်မံချိန်းဆို အတွက် မှတ်ချက်များ 0 ခုရှိပါတယ်