ရန်ကုန်၊ ဇွန် ၂၅
မန္တလေးတိုင်းဒေသကြီး၊ အိုးဘိုထောင်တွင် ထောင်ကျခံနေရသည့် အမျိုးသားဒီမိုကရေစီအဖွဲ့ချုပ်(NLD)ပါတီ ဒုတိယဥက္ကဌ ဒေါက်တာဇော်မြင့်မောင်သည် ကျန်းမာရေးချို့ယွင်းလာမှုကြောင့် မန္တလေးဆေးရုံကြီး၌ ဆေးဝါးကုသမှုခံယူနေရသည်ဟု နစက သတင်းထုတ်ပြန်ရေးအဖွဲ့က ဇွန် ၂၅ ရက်၊ နေ့စွဲဖြင့် သတင်းထုတ်ပြန်ထားသည်။
ဒေါက်တာဇော်မြင့်မောင်၏ အသက် ၇၂ နှစ်အရွယ်ရှိပြီး နာတာရှည် သွေးကင်ဆာရောဂါ ခံစားနေရသူဖြစ်ကြောင်း သိရသည်။
“ ဒေါက်တာဇော်မြင့်မောင်က နာတာရှည်သွေးကင်ဆာရောဂါနဲ့ ဆေးကုသမှုခံယူနေရသူပါ။ အသက်ကလည်း ၇၂ နှစ်ရှိပြီပါပြီ။ ဆေးစစ်ဖို့လိုအပ်ချက်အရ ဆေးရုံတက်ရတာပါ။” ဟု လုံခြုံရေးအဖွဲ့နှင့် နီးစပ်သူတစ်ဦးက ယနေ့ခေတ်သို့ ပြောသည်။
ဒေါက်တာဇော်မြင့်မောင်သည် ယခင်က မန္တလေးတိုင်းဝန်ကြီးချုပ်အဖြင့် တာဝန်ထမ်းဆောင်ခဲ့ပြီး၊ ၂၀၂၁ ခုနှစ်၊ ဖေဖော်ဝါရီ ၁ ရက်မှစတင်ပြီး ဖမ်းဆီးထိန်းသိမ်းရပြီး အကျဥ်းကျခံခဲ့ရကြောင်း သိရသည်။
မြင့်မြတ်အောင်မြင်
ဓာတ်ပုံ – ဒေါက်တာဇော်မြင့်မောင်(ပုံဟောင်း)
ဒေါက်တာဇော်မြင့်မောင် ကျန်းမာရေးချို့ယွင်းလာသဖြင့် မန္တလေးဆေးရုံကြီးတွင် ဆေးကုသမှုခံယူနေရသည် ဟုဆို အတွက် မှတ်ချက်များ 0 ခုရှိပါတယ်