ဘန်ကောက်၊ ဧပြီ ၁၄
ထိုင်းနိုင်ငံတွင် ရိုးရာဆုန်ခရမ် ရေကစားပွဲတော်ကျင်းပသည့် ဧပြီ ၁၂ ရက်မှ ၁၃ ရက်အထိ နှစ်ရက်အတွင်း ယာဉ်တိုက်မှုကြောင့် လူ ၆၃ ဦးသေဆုံးပြီး လူ ၅၅၀ ဦး ထိခိုက်ဒဏ်ရာ ရရှိခဲ့ကြောင်း ထိုင်းယာဉ်အန္တရာယ်တားဆီးရေးနှင့် လျှော့ချရေးကွပ်ကဲမှုစင်တာ၏ ဧပြီ ၁၄ ရက်၊ နေ့စွဲဖြင့် ထုတ်ပြန်ချက်အရ သိရသည်။
“ ထိုင်းနိုင်ငံရဲ့ ရိုးရာဆုတ်ခရမ် ရေကစားပွဲတော်မှာ ဧပြီ ၁၂ ရက်နေ့မှာကတည်းက ယာဉ်တိုက်မှု ၃၀၇ မှုရှိခဲ့ပြီး၊ လူ ၃၈ ဦးသေဆုံးခဲ့ပါတယ်။ ထိခိုက်ဒဏ်ရာရ လူနာက ၂၉၉ ဦးထိရှိခဲ့ပါတယ်။” ဟု ထိုင်းယာဉ်အန္တရာယ်တားဆီးရေးနှင့် လျှော့ချရေးကွပ်ကဲမှုစင်တာ၏ တာဝန်ရှိသူတစ်ဦးက ဘန်ကောက်ပို့စ်သတင်းဌာနသို့ ပြောသည်။
အဆိုပါ ယာဉ်တိုက်မှုများ၏ ၄၁.၃၇ ရာခိုင်နှုန်းသည် အရှိန်လွန်မောင်းနှင်မှုကြောင့် ယာဥ်တိုက်ဖြစ်ပွားခဲ့ရခြင်းဖြစ်ပြီး၊ ၂၁.၁၇ ရာခိုင်နှုန်းသည် မူးယစ်ပြီးမောင်းနှင်ခြင်းဖြစ်၍ ၂၀.၂၀ ရာခိုင်နှုန်းက ယာဉ်ကြောဖြတ်ဝင်ခြင်းကြောင့်ဖြစ်ကြောင်း ထိုင်းယာဉ်အန္တရာယ်တားဆီးရေးနှင့် လျှော့ချရေးကွပ်ကဲမှုစင်တာ၏ ထုတ်ပြန်ချက်အရ သိရသည်။
မြင့်မြတ်အောင်မြင် ဓာတ်ပုံ – ဘန်ကောက်ပို့စ်
ထိုင်းတွင် နှစ်ရက်အတွင်း ယာဉ်တိုက်မှုကြောင့် လူ ၆၃ ဦး သေဆုံးပြီး လူ ၅၀၀ ကျော်ထိခိုက်ဒဏ်ရာရ ဟုဆို အတွက် မှတ်ချက်များ 0 ခုရှိပါတယ်