ရန်ကုန်၊ ဒီဇင်ဘာ ၁၁
ရှမ်းပြည်နယ်(အရှေ့ပိုင်း)၊ တောင်ကြီး-ကျိုင်းတုံသွားကားလမ်း၊ စပါယ်ရှယ်တောင်အဆင်းတွင် ဒီဇင်ဘာ ၁၁ ရက်၊ နံနက် ၈ နာရီက ဆယ့်နှစ်ဘီးယာဥ်တစ်စီး ဘရိတ်ပေါက်ပြီး လမ်းဘေးသို့ထိုးကျကာ ယာဉ်တိမ်းမှောက်မှုဖြစ်ပွားခဲ့ကြောင်း သိရသည်။
ဘရိတ်ပေါက်ပြီး လမ်းဘေးသို့ထိုးကျကာ ယာဥ်တိမ်းမှောက်မှုကြောင့် မော်ယာဥ်ပါအမျိုးသားနှစ်ဦးအနက် တစ်ဦးသေဆုံးသွားခဲ့ကြောင်း သိရသည်။
“ ယာဉ်ပေါ်ပါလာတဲ့ ယာဥ်မောင်းနဲ့ အတူပါအမျိုးသားနှစ်ဦးထဲက တစ်ဦးသေဆုံးသွားပါတယ်။ သေဆုံးသူဟာ နေရာမှာပဲ ထိခိုက်ဒဏ်ရာပြင်းထန်မှုနဲ့ သေဆုံးရခြင်းဖြစ်ပါတယ်။ နောက်တစ်ဦးက ဒဏ်ရာပြင်းထန်ရရှိခဲ့ပါတယ်။” ဟု တိုင်းနေ နာရေးကူညီမှုအသင်းမှ တာဝန်ရှိသူတစ်ဦးက ယနေ့ခေတ်သို့ ပြောသည်။
ယာဉ်တိမ်းမှောက်ခြင်းကြောင့် သေဆုံးသူနှင့် ထိခိုက်ဒဏ်ရာရရှိသူတို့ကို တိုင်းနေ နာရေးကူညီမှုအသင်းယာဥ်ဖြင့် ကျိုင်းတုံပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း သိ ရသည်။
ထို့အတူ ၂၀၂၂ ခုနှစ်၊ နိုဝင်ဘာ ၁၉ ရက်ကလည်း ကျိုင်းတုံ-တောင်ကြီးလမ်း၊ မိုင်းကာတောင်ကုန်းအဆင်း၌ ခရီးသည်ယာဥ်တစ်စီး ချောက်အတွင်းသို့ ထိုးကျတိမ်းမှောက်ပြီး ခရီး သည်နှစ်ဦး သေဆုံးသွားခဲ့သေးကြောင်း သိရသည်။
#မြင့်မြတ်အောင်မြင်
ဓာတ်ပုံ – တိုင်းနေနာရေးကူညီမှုအသင်း
#ယနေ့ခေတ်
တောင်ကြီး-ကျိုင်းတုံလမ်းတွင် ဆယ့်နှစ်ဘီးယာဥ်တစ်စီးတိမ်းမှောက်၊ တစ်ဦးသေဆုံး အတွက် မှတ်ချက်များ 0 ခုရှိပါတယ်