ရန်ကုန်၊ အောက်တိုဘာ ၂၁
ရန်ကုန်တိုင်း၊ ကျောက်တံတားမြို့နယ်၊ ၃၉ လမ်း အောက်ဘလောက်၊ အမှတ် ၁၀၄ ရှိ A Cafe ကော်ဖီဆိုင်၌ Infinity Cassette Shop မှ အောက်တိုဘာ ၂၀ ရက်နှင့် ၂၁ ရက်တို့တွင် နံနက် ၉ နာရီမှ ညနေ ၆ နာရီအထိ နိုင်ငံကျော်တေးသံရှင်များ၏ တိပ်ခွေ ၅၀၀ ကျော်အား တစ်ခွေလျှင် ကျပ် ၄၀၀ ဖြင့် နှစ်ရက်ကြာ ခင်းကျင်းရောင်းချပေးနေကြောင်း Infinity Cassette Shop မှ တာဝန်ရှိသူတစ်ဦးက ယနေ့ခေတ်သို့ ပြောသည်။
“ တိပ်ခွေ ၅၀၀ ပွဲရဲ့ ပထမရက် အောင်မြင်စွာနဲ့ ပြီးဆုံးခဲ့ပါပြီ။ ပထမရက်မှာတင် မထင်မှတ်လောက်အောင် လာရောက်အားပေးခဲ့ကြတဲ့အတွက် တစ်ယောက်ချင်းစီကို ကျေးဇူးတင် ပါတယ်။ ကျွန်တော်တို့ မနက်ဖြန်ပွဲ နောက်ဆုံးရက်အတွက်လည်း တိပ်ခွေ ၄၀၀ ကျော်နဲ့အတူ ရှားပါးတိပ်ခွေတွေကိုလည်း ထည့်သွင်းပေးမှာဖြစ်လို့ စိတ်ကြိုက်ရှာဖွေ ဝယ်ယူနား ဆင်နိုင်မယ့်အကြောင်းပါ သတင်းကောင်းပါးလိုက်ပါရစေ။” ဟု Infinity Cassette Shop မှ တာဝန်ရှိသူတစ်ဦးက ယနေ့ခေတ်သို့ ပြောသည်။
စတူဒီယိုခေတ်က အောင်မြင်ကျော်ကြားခဲ့သည့် တေးသံရှင်များ၏ တိပ်ခွေများနှင့် ရှားပါးတေးတိပ်ခွေများလည်းပါဝင်ပြီး ပထမတစ်ရက်တည်း အခွေ ၁၅၀ ကျော် ရောင်းချနိုင်ခဲ့ပြီး ဒုတိယနေ့ နံနက်ပိုင်းတွင် တိပ်ခွေ ၁၀၀ ကျော် ဆက်လက်ရောင်းချနိုင်ခဲ့ကြောင်း သိရသည်။
အဆိုပါ တိပ်ခွေစျေးရောင်းပွဲတော်တွင် “ကြိုက်တာယူ ကြိုက်သလောက်ပေး၊ စိတ်ကြိုက်ရွေးချယ် စမ်းသပ်ဝယ်ယူနိုင်” ဟူ၍ အခွင့်အရေးများလည်းပါရှိကြောင်း သိရသည်။
ဝယ်ယူသူများ ကြိုက်နှစ်သက်သော သီချင်းသံစဉ်တွေများစွာကို လာရောက်နားဆင်ပြီး တိပ်ခွေချစ််မြတ်နိုးသူများအနေဖြင့် အမှတ်တရသိမ်းဆည်းနိုင်ဖို့အတွက် စီစဥ်လိုက်ရ ခြင်းဖြစ်ကြောင်း Infinity Cassette Shop မှ တာဝန်ရှိသူတစ်ဦးက ယနေ့ခေတ်သို့ ပြောသည်။
မြင့်မြတ်အောင်မြင်
တိပ်ခွေပေါင်း ၅၀၀ ကျော်အား တစ်ခွေကျပ် ၄၀၀ ဖြင့် စျေးရောင်းပွဲတော် နှစ်ရက်ကြာကျင်းပ အတွက် မှတ်ချက်များ 0 ခုရှိပါတယ်